Аляксей Сухавецкі: «Нядаўна на МКС паляцела першая жанчына-касманаўт Беларусі, таму «Мінск» усведамляе, што няма нічога немагчымага»

Галоўны трэнер «Мінска» Аляксей Сухавецкі распавёў пра становішча спраў у камандзе.

Адзначым, што 27 сакавіка «Мінск» пад кіраўніцтвам Сухавецкага здабыў першую перамогу ў сезоне Лігі ВТБ над «Астаной».

«Мы развіталіся з адным з самых рэзультатыўных гульцоў Джарэдам Агунгбемі-Джэксанам, Зак Сміт атрымаў траўму, на аднаўленні знаходзіцца Данііл Коска. Літаральна за дзесяць хвілін да пачатку нашай апошняй гульні супраць «Астаны» Данііл Барысевіч на размінцы атрымаў расцяжэнне. У сітуацыі з Джарэдам панікі не было, я разумеў, што каманда здольная перабудавацца і стаць мацнейшай у абароне, гульцы павінны згуртавацца.

Нядаўна на МКС паляцела Марына Васілеўская – першая жанчына-касманаўт Беларусі, прыклад і арыенцір для ўсіх нас. Таму мы ўсведамляем, што няма нічога немагчымага. Калі нехта выпадае, гэта адкрывае магчымасці для іншага баскетбаліста праявіць сябе. Для яго гэта эмацыянальны і псіхалагічны штуршок. Але трэба ўмець правільна гэтым скарыстацца», – сказаў Сухавецкі.