Ніколі не лавіце мяч пасля ўдару Раналду, асабліва тварам. У Саудаўскай Аравіі не пашанцавала аператару
Выглядае вельмі балюча.
Свет працягвае сачыць за чэмпіянатам Саудаўскай Аравіі. 16 верасня «Аль-Наср» Крышціяну Раналду ў шостым туры абыграў «Аль-Раед» (3:1), на рахунку партугальца трэці гол яго каманды. Адзначым, што КрыРо адзначаецца галамі за «Аль-Наср» ужо ў чацвёртым матчы запар, у гэтых гульнях на яго рахунку 11 (7+4) рэзультатыўных балаў па «гол+пас».
Таксама ў аб'ектывы трансляцый трапіў яшчэ адзін, мягка кажучы, непрыемны эпізод: на 64-й хвіліне падчас выканання штрафнога ўдару Раналду моцным стрэлам замест дзявяткі пацэліў у галаву аператара за брамай.
Вядома, што атрымалася гэта неспецыяльна, але наступствы гэткага «сэйву» для тэлевізіёншчыка выглядаюць даволі балюча. Тым не менш, выглядае ён бадзёра:
Звычайна гледачам, у якіх няўмысна трапляе Раналду, футбаліст дорыць футболкі з аўтографамі. Як думаеце, ці каштуе таго траўма?
