Футбаліст «Нёмана» Лягчылін, які штурхнуў суддзю, атрымаў 6-матчавую дыскваліфікацыю. Падчас гульні арбітр не паказаў яму нават жоўтую картку
Пра эпізод раней выказваўся былы суддзя «вышкі» Аніхімоўскі.
6 красавіка адбылося паседжанне камітэта кантрольна-дысцыплінарнага і па этычных пытаннях АБФФ, па выніках якога, сярод іншага, абаронца «Нёмана» Аляксей Лягчылін атрымаў 6-матчавую дыскваліфікацыю за «Наўмысны штуршок, учынены футбалістам або афіцыйнай асобай клуба (каманды), афіцыйнай асобы матчу да, падчас і пасля матчу» (ст. 70-3 ДК).
Эпізод адбыўся на 59-й хвіліне гульні 2-га тура вышэйшай лігі, калі «Нёман» прымаў салігорскі «Шахцёр» (0:1).
Віктар Шымусік спачатку ўбачыў парушэнне з боку гродненцаў, якія ў вельмі экспрэсіўнай форме пачалі даказваць адваротнае. У выніку, суддзя адмяніў сваё рашэнне на карысць «Шахцёра» і прызначыў штрафны ўдар. Але што цікава, Лягчылін, які штурхнуў Шымусіка ў грудзі, не атрымаў нават жоўтую картку. Гэты і іншыя спрэчныя моманты 2-га тура пракаментаваў былы суддзя вышэйшай лігі Віталь Аніхімоўскі.
Бліжэйшыя 6 матчаў «Нёмана» у чэмпіянаце: «Гомель» (9 красавіка), «Энергетык-БДУ» (15 красавіка), «Мінск» (22 красавіка), «Дынама» Мінск (29 красавіка), «Дынама» Брэст (6 траўня), «Смаргонь» (13 траўня).
Да таго ж гродненцы згуляюць два паўфінальныя матчы Кубку супраць БАТЭ – 18 красавіка і 9 траўня.
