Былы гулец юніёрскай зборнай апублікаваў трэк, прысвечаны трыятлону
Гэта не першая песня экс-футбаліста.
Былы футбаліст Юрый Юрчанка, які калісьці перамагаў на мемарыяле Гранаткіна разам з юнацкай зборнай Беларусі, зараз займаецца трыатлонам. У мінулым годзе спарсмен паўдзельнічаў у чэмпіянаце свету Ironman 70.3 World Championship і падтрымаў такім чынам палітзняволенага юрыста Максіма Знака.
Акрамя спорту Юрый цікавіцца і музыкай. Раней мы распавядалі пра яго працы пад псеўданімам Піліп Беспамылковы.
На днях Юрчанка на сваім ютуб-канале апублікаваў абноўлены трэк «Я трыятлет», першую версію якога ён запісаў яшчэ ў 2020-м годзе.
«Мы расцем, становімся мацнейшымі і мудрэйшымі, мы змяняемся, і трэк таксама атрымаў новае жыццё! На гэты раз у больш жорсткім рокавым гучанні. І гэта новая доза матывацыі!», - напісаў пад відэа аўтар.
