Кіраўнік беларускай федэрацыі кікбоксінгу і тайландскага бокса Караеў пра допуск на ЧС: «Ёсць звесткі, дзе нам будуць намякаць, каб мы добраахвотна адмовіліся»
Старшыня беларускай федэрацыі кікбоксінга і тайландскага бокса Юрый Караеў падзяліўся меркаваннем пра запрашэнне зборнай Беларусі на чэмпіянаты свету па муай-тай і тайскім боксе.
Нагадаем, Караеў падчас пратэстаў у Беларусі ў 2020 годзе ўзначальваў міністэрства МУС Лукашэнкi. Цяпер ён з'яўляецца памочнікам Лукашэнкі ў Гродзенскай вобласці.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту. 28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.
– Чэмпіянат свету па муай-тай, па тайскім боксе. Увогуле, і мы туды запрошаныя. Гэта прарыў ці гэта заканамерна?
– Гэта не прарыў, мы ж туды былі ўвесь час запрошаны. І ёсць такія кулуарныя размовы, што, дапусцім, некаторыя заходнія дзялкі ад спорту, думаючы, што яны знаходзяцца ў трэндзе сваіх урадаў і гэтак далей, патрабуюць адлучыць зборную Расіі і зборную Беларусі ад чэмпіянату.
– Ну так, патрабуюць усюды, увогуле.
– Але федэрацыя міжнародная – гэта таксама такая не проста арганізацыя дабрачынная. Па-першае, яе кіраўніцтва глядзіць, хто колькі пастаўляе спартсменаў.
Дык вось, Расія і Беларусь у тайскім боксе, у кікбоксінгу столькі даюць топавых, знакамітых спартсменаў ва ўсіх катэгорыях, што шмат-шмат краін Еўропы разам узятыя не даюць іх столькі, колькі нашы дзве краіны. І таму зараз ідуць кансультацыі.
Магчыма, што зноў хіснецца меркаванне, што нам не ўдзельнічаць. Але, скажам так, з 2020 года, з пачатку спецыяльнай ваеннай аперацыі (вайна ва Украіне – Tribuna.com) вельмі схільная кожная федэрацыя ціску палітычных колаў.
– Так, і яны гэта адчуваюць нават. Нават калі не думаюць так, то яны проста вымушаныя.
– Так, іх душаць. Адкрыта душаць. Яны, натуральна, выбіраюць больш спакойнае, камфортнае жыццё. Інакш тыя, у чыіх руках рычагі ўплыву, іх дадушаць. Цяпер пакуль яшчэ 50/50.
– Афіцыйнае запрашэнне?
– Афіцыйнае запрашэнне было атрымана. Але ёсць звесткі, дзе нам будуць намякаць, каб мы добраахвотна адмовіліся, – сказаў Караеў.
