Чэмпіёна Кітая па сянцы пазбавілі тытула – акрамя амаральных паводзін, яго падазравалі ў махлярстве з дапамогай анальных караляў
48-гадовы Янь Чэньлун, які стаў чэмпіёнам Кітая па сянцы, быў пазбаўлены свайго тытула з-за парушэння правілаў грамадскага парадку.
У панядзелак, 25 снежня, мясцовая асацыяцыя паведаміла, што чэмпіёнства Чэньлуна будзе анулявана, прызавыя канфіскаваны, а сам спартсмен будзе дыскваліфікаваны на 1 год.
Прычына – спартовец п'яным апаражняўся ў ванную гатэля, чым нанёс шкоду маёмасці, парушыў правілы грамадскага парадку і негатыўна паўплываў на статус спаборніцтваў.
Таксама асацыяцыя адрэагавала на чуткі, што Янь нібыта махляваў з дапамогай анальных караляў.
Паводле паведамленняў на кітайскім сайце Weibo, ён рытмічна сціскаў і расціскаў іх сваёй анальнай адтулінай, каб перадаць інфармацыю аб сітуацыі на дошцы з дапамогай кода на кампутар, які затым адпраўляў назад інструкцыі аб далейшых хадах у выглядзе вібрацыі.
«Зыходзячы з нашага разумення сітуацыі, пакуль немагчыма даказаць, што Янь махляваў з дапамогай анальных караляў, як гэта меркавалі ў сацыяльных сетках», – перадае заяву асацыяцыі ABC.
Сянцы – кітайская настольная гульня шахматнага тыпу.