Дысцыплінарны камітэт ФІФА адкрыў справу супраць Федэрацыі футбола Уругвая з-за паводзінаў футбалістаў у матчы з Ганай
Дысцыплінарны камітэт ФІФА пачаў расследаванне па справе супраць Федэрацыі футбола Уругвая пасля матча ЧС-2022 супраць Ганы (2:0).
Гаворка ідзе аб магчымых парушэннях артыкулаў 11 (абразлівыя паводзіны і парушэнне прынцыпаў сумленнай гульні), 12 (неналежныя паводзіны гульцоў і афіцыйных асоб) і 13 (дыскрымінацыя) Дысцыплінарнага кодэкса ФІФА.
Marca паведамляе, што расследаванне будзе тычыцца паводзінаў Эдынсана Кавані, Фернанда Муслеры, Дыега Годзіна і Хасэ Марыі Хіменеса. Яны былі актыўнымі крытыкамі рашэння галоўнага арбітра Даніэля Зіберта не прызначыць пенальці ў вароты Ганы на апошніх хвілінах за фол на Кавані. Пасля матчу Эдынсан нанёс удар па маніторы ВАР.
Marca дае інфармацыю аб тым, што футбалісты не атрымаюць сур'ёзныя пакаранні.
⚽️ Чэмпіянат свету-2022 па-беларуску і без VPN! Пампуй дадатак Tribuna.com