Біёнчык пра спрэчны гол: «Быў аўт ці не было ауту, чаму мы спыняемся? Ёсць свісток суддзі, трэба дагульваць да канца эпізод. Астатняе можна будзе бабулям расказваць»

Галоўны трэнер «Славіі» Іван Біёнчык падзяліўся меркаваннем аб другім голе ў матчы першага тура вышэйшай лігі супраць «Мінска» (0:2). Ёсць меркаванне, што мяч выйшаў за межы поля, пасля чаго абаронца каманды Мазыра Ілля Руцкі трапіў у сваю браму. Арбітр гол залічыў.

«Я быў на такім жа выдаленні ад моманту, як і вы. Мяне не цікавіць гэтае пытанне. Мяне больш цікавіць рэакцыя. Быў аўт ці не было аўта, чаму мы спыняемся? Ёсць свісток суддзі, трэба дайграваць да канца эпізод.

А што там было – гэта ўжо можна будзе бабулям расказваць. Дайграваць абавязаны ўсё. Да таго часу, пакуль суддзя не сігналізуе. А мы спыніліся і атрымалі гэты мяч, які незразумела як трапіў у вароты», – сказаў Біёнчык.