Кайл Уокер: «Вінісіус спрабаваў перакуліць мяне, пытаю: «Навошта? Я не хачу стаць мемам»
Абаронца «Манчэстэр Сіці» Кайл Уокер падзяліўся думкамі пра вінгера «Рэала» Вінісіуса Жуніёра.
«Ён вельмі, вельмі добры гулец. Ён робіць тое, што мусіць рабіць для сваёй каманды, каб выйграваць матчы. Не рэагую, калі ён правакуе. У рэальным жыцці я пакутаваў ад больш сур'ёзных рэчаў, таму ўжо не рэагую. Але Вінісіус спрабуе перамагчы любой цаной.
Размова ідзе не толькі пра асобнага футбаліста. Гэта пра каманду, калектыў. Але, ведаю, мы сустрэнемся з адным з найлепшых гульцоў у свеце. У яго добрая перспектыва. Будзе цікава бараніцца супраць яго.
У першым матчы Вінісіус хацеў перакуліць мяне. Я спытаўся ў яго: «Для чаго ты спрабуеш гэта зрабіць? Я не хачу стаць мемам». Баксёры б'юцца, але потым падаюць адзін аднаму руку. Паважаю Вінісіуса, ён заслугоўвае таго, каб паціснуць яму руку», – сказаў Уокер.
