Раберта Манчыні: «Растлумачыў прэзідэнту Федэрацыі, што зараз мне патрэбна падтрымка і спакой, але ён да мяне не прыслухаўся»

«Патлумачыў Гравіне (прэзідэнт Федэрацыі футбола Італіі – заўв.), што ў гэтыя месяцы мне патрэбна падтрымка і спакой, але ён да мяне не прыслухаўся, таму я сышоў у адстаўку. Ці павінен я быў зрабіць гэта раней? Магчыма. Але я пакінуў зборную за 25 дзён да матча, а не за тры.

Гравіна цэлы год спрабаваў рэвалюцыянізаваць мой персанал. Я спрабаваў сказаць яму, што ён максімум можа дадаць пару новых асоб, але ён не можа прыбраць двух удзельнікаў штаба, які працуе і перамагае. Ва ўсякім разе, гэта я павінен вырашаць, ці трэба замяніць члена майго штаба.

Гравіна некаторы час думаў пра справы зусім інакш, чым я. Мяне разарвалі за адно толькі маё рашэнне сысці. Я хацеў даць сігнал прэзідэнту, ён мог бы мне дапамагчы, калі б захацеў.

Папрасіў Федэрацыю прыбраць з майго кантракту пункт пра права звольніць мяне ў выпадку нявыхаду на Еўра-2024. Папрасіў гэта толькі для таго, каб мець спакой і цішыню на працягу наступных некалькіх месяцаў. Відавочна, я б сышоў, калі б усё пайшло не так добра і мы не змаглі б прайсці кваліфікацыю», – сказаў Манчыні для La Repubblica.