Хары Кейн: «Казаў Уокеру, што дам яму прабіць пенальці перад тым, як ён пойдзе на пенсію»

Форвард зборнай Англіі Хары Кейн расчараваны нічыёй з Украінай (1:1) у адборы Еўра-2024.

«Канешне, я крыху расчараваны. Мы кантралявалі гульню, але нам крыху не хапіла ў апошняй трэці поля. У нас не было такіх хуткіх звязкаў. Калі ты не ў сваёй найлепшай форме і ўсё роўна атрымліваеш ачко, гэта прыкмета добрай каманды. Гэта не канец свету.

Я вельмі рады за Ўокера, які забіў дэбютны гол за зборную Англіі. У нас ёсць жарт пра гэта. Я сказаў яму, што перад тым, як ён пойдзе на пенсію, я дазволю яму прабіць пенальці. Я ў захапленні ад яго.

Мне вельмі падабаецца ў «Баварыі». Гэта новая каманда, новая краіна, новы досвед, але я проста спрабую зладзіцца з гэтым і, спадзяюся, змагу працягваць удасканальвацца як гулец.

Я ўсё яшчэ знаёмлюся са сваімі таварышамі па камандзе, і на працягу сезона гэта можа змяніцца ў залежнасці ад суперніка. Пачнём з таго, што я гуляю вышэй, з тым тэмпам, які ў нас ёсць у камандзе, гэта дазваляе мне гуляць у штрафной і вакол яе.

У нас вялікая глыбіня складу, добрая канкурэнцыя. Магчыма, мы ўпершыню за доўгі час апусціліся ніжэй за стандарты. Так бывае ў футболе, і мы хочам удасканальвацца», – сказаў Кейн.