Хары Магуайр: «Упэўнены, што згуляю шмат матчаў за «МЮ»

Абаронца зборнай Англіі і «Манчэстэр Юнайтэд» Хары Магуайр пракаментаваў крытыку з боку заўзятараў пасля таварыскага матчу з Шатландыяй (3:1), у якім ён забіў у свае вароты.

«Я б не сказаў, што я чалавек, які змагаецца з псіхалагічным ціскам. Я шмат чаго перажыў за апошнія некалькі гадоў, я быў капітанам «Манчэстэр Юнайтэд» амаль чатыры гады. Вы бераце на сябе вялікую адказнасць і ўсё, што з ёй звязана. Як дрэннае, так і добрае.

Заўзятары бачылі, што я зрабіў для зборнай Ангеліі ў 59 матчах. Я быў з камандай на трох вялікіх турнірах. Яны гучна і з гонарам сачылі за намі, а я стаў вялікім фанатам зборнай Англіі. Няма нічога лепш, чым атрымаць выдатны прыём кожны раз, калі я гуляю за сваю краіну.

Канешне, мая кар'ера ў зборнай Англіі з'яўляецца вялікім прыярытэтам. Як і мая клубная кар'ера. Я ўсё абдумаў, калі не патрапіў у стартавы склад у першых чатырох гульнях сезона.

Я завяршыў мінулы сезон двума вельмі моцнымі выступамі за зборную Англіі, і я згуляў ва ўсіх пяці матчах, каб дапамагчы нам выйсці на гэтае месца ў кваліфікацыі, таму мне трэба працягваць гуляць, калі мяне выклічуць.

У клубным футболе я таксама хачу гуляць. Першыя чатыры тыдні былі цяжкімі, бо была адна гульня на тыдзень, і галоўны трэнер не выбіраў мяне. Але цяпер у нас шмат гульняў, і я ўпэўнены, што згуляю шмат матчаў», – сказаў Магуайр.