Трэнер Беларусі U-15 Мархель: «Расiяне стаяць на нагах лепей. Мы крыху пазнейшыя»

Галоўны трэнер зборнай Беларусі U-15 Юрый Мархель параўнаў сваю каманду з расійскімі аднагодкамі, якім беларусы напярэдадні прайгралі 2:5.

– У чым усё ж саступаем тым жа расiянам: у індывідуальным майстэрстве або ў камандных дзеяннях?

– Бачу толькі тое, што яны крыху мацнейшыя за нас. У індывідуальным майстэрстве няма. Можа, крыху ў псіхалогіі яшчэ саступаем. Але ў тэхнічным плане нашы хлопцы не менш навучаныя, чым расіяне. І толькі ў антрапаметрыі яны нас пераўзыходзяць. Стаяць на нагах лепш, крыху ў гэтым і была ў іх перавага.

– Нам трэба над фізічнай формай яшчэ працаваць?

– Не, проста мы крыху познія. Плюс у іх селекцыя лепш, чым у нас. Думаю, што справа толькі ў гэтым. Нічога страшнага, пройдзе нейкі час, хлопцы крыху адужэюць. Складаней тэхніку падцягнуць, чым фізіку. Так што мы зробім гэта і будзе ўсё добра.

– Гэта значыць, будучыню сваім гульцам вы прагназуеце добрую?

– Вельмі добрае пакаленне ідзе. Выдатная каманда. Пытанне толькі часу. Усё ж гэта першае скліканне, для іх гэта ўвогуле першы вопыт.

Яны ўсё імкнуцца, слухаюць, выконваюць усе заданні. Недзе лепш, недзе горш – гэта вучоба. Будзем верыць, што ўсё ў іх атрымаецца, – сказаў Мархель.