Уладзіслаў Татур: «Пасля паразы Італіі ад Англіі Спалеці фактычна прызнаў, што Серыя А значна саступае АПЛ»

Беларускі журналіст Уладзіслаў Татур на YouTube-канале «Дай пробью!» пракаментаваў гульню Англіі і Італіі (3:1) у кваліфікацыі Еўра-2024.

– Зборная Англіі зноў паказала, што гэта для мяне цір-1 прэтэндэнтаў на перамогу на бліжэйшым Еўра.

Ну, а Італія… Зразумела, тут мы павінны яшчэ прымаць да ўвагі гэтую ўсю гісторыю са стаўкамі. Тое, што Сандра Таналі няма, і тое, што ў Дзаньёла таксама праблемы. Ізноў у італьянскім футболе, бардак, бруд, вось такія справы. І, вядома, яны таксама маглі паўплываць на каманду Лучана Спалеці.

Але які ён каментар пасля матча сабе дазволіў? Ён сказаў, маўляў, мы ўбачылі, што нашы футбалісты не могуць у фізічным баку футбола, якому, зразумела, навучаны гульцы, якія рэгулярна выступаюць у англійскай Прэм'ер-лізе, і мы не можам нічога гэтаму супрацьпаставіць.

Гэта значыць, фактычна Лучана Спалеці пасля гульні прызнаў, што Серыя А значна саступае англійскай Прэм'ер-лізе. І на ўзроўні зборных мы ў гэтым упэўніліся. Я думаю, што Лучана Спалеці – гэта той чалавек, меркаванню якога мы можам давяраць.

Ну, і галы – проста гармата, фантастычныя мячы ўбачылі. І я лічу, што гэта адзін з найлепшых матчаў зборнай Англіі ў гэтым адборы ўвогуле за апошні час, – адзначыў Татур.