У Суперлізе адказалі УЕФА на патрабаванне змяніць прэс-рэліз суда ЕC: «Яны не разумеюць, што іх манаполія скончылася»
21 снежня Еўрапейскі суд пастанавіў, што УЕФА і ФІФА дзейнічалі супраць заканадаўства пра канкурэнцыю, заблакаваўшы стварэнне Суперлігі ў 2021 годзе.
УЕФА накіравала у суд ЕС патрабаванне змяніць прэс-рэліз аб рашэнні па Суперлізе з-за таго, што ён «недакладны» і «не адпавядае самому рашэнню».
Прадстаўнікі Суперлігі адказалі УЕФА на патрабаванне на адрас суда Еўрасаюза.
«УЕФА не прыслухоўваецца да правасуддзя. УЕФА не разумее, што яго манаполія скончылася і яго прывілеям няма месца ў Еўропе. Правасуддзе сказала яму вельмі выразна: вы больш не можаце пагражаць ці караць клубы, якія жадаюць прасоўваць альтэрнатыўныя турніры.
А яны ўсё роўна працягваюць аказваць ціск на клубы і, што дзіўна, на сам суд Еўрапейскага саюза», – заявілі прадстаўнікі Суперлігі.
