Карлас Алос: «Хочацца паспрабаваць выйграць групу Лігі нацый. Там супернікі, блізкія да Беларусі па класе»

– У верасні беларусы пад вашым кіраўніцтвам набралі першае ачко, у кастрычніку забілі першы мяч, у лістападзе атрымалі першую перамогу. Прагрэс відавочны?

– Так. У пачатку восені я яшчэ недастаткова добра ведаў гульцоў. Напэўна, зрабіў нейкія памылкі і надалей стараўся іх не паўтараць. У футболе заўсёды ёсць пэўныя чаканні, але не кожны раз удаецца ўвасобіць іх у жыццё. А тут атрымалася дабіцца прагрэсу.

Аднак яго трэба пацвердзіць у будучых паядынках Лігі нацый, якія адбудуцца восенню 2024-га. Там супернікі, блізкія да нас па класе. Гэта магчымасць паказаць, што каманда сапраўды расце. Апраўданні будуць недарэчныя.

– Ці стаіць перад вамі афіцыйная задача на наступны адборачны цыкл?

– Мне дастаткова таго, што я сам стаўлю перад сабой мэту. У 2024 годзе хочацца паспрабаваць выйграць групу Лігі нацый. Канешне, да лёсавання ацэньваць шанцы цяжка. Але ў любым выпадку будзем імкнуцца перамагаць.

Мы, трэнеры, ніколі не можам абяцаць вынікі і тытулы. Але можам гарантаваць, што будзем працаваць і прафесійна ставіцца да справы. А федэрацыя ўжо ацэніць вынікі нашай працы. Паспрабуем выйграць кожны матч, які б супернік нам ні супрацьстаяў, – сказаў Алос.

Нагадаем, што зборная Беларусі была вызваленая ад пераходных матчаў і захавала месца ў дывізіёне C Лігі нацый. Лёсаванне груп пройдзе 8 лютага 2024 года, поўны спіс кошыкаў – тут.