Паўабаронца «Інтэра» Сэнсі пагадзіўся перайсці ў «Лестэр» пасля тэлефоннай размовы з Марескай

Паўабаронца «Інтэра» Стэфана Сэнсі пагадзіўся перайсці ў «Лестэр» пасля тэлефоннай размовы з галоўным трэнерам каманды Энцо Марескай.

Пра гэта паведамляе журналіст Нікола Скір.

Паміж англійскім клубам і футбалістам пачаліся перагаворы пра умовы кантракта да 2027 года.

«Нерадзуры» у сваю чаргу чакаюць афіцыйную прапанову і хочуць атрымаць за гульца грошы, нават нягледзячы на тое, што яго кантракт заканчваецца летам.

4,5 гады таму міланскі клуб набыў Сэнсі ў «Сассуола» прыкладна за 25 мільёнаў еўра – з тых часоў ён забіў 10 галоў і аддаў 4 рэзультатыўныя перадачы ў 51 матчы.

«Лестэр» зараз займае 1-е месца ў Чэмпіёншыпе і прэтэндуе на прамы выхад у АПЛ. Каманда адарвалася ад трэцяга «Саўтгемптана» на 13 ачкоў.