Зайцаў можа закрыць «Цэнтр футбола» праз нежаданне аддаваць гульцоў у каманду АБФФ U-17, на гэтай глебе ў яго адбыўся канфлікт з Шарснёвым
Тэлеграм-канал «О, спорт! Ты – мир!» высветліў прычыны магчымага зняцця «Цэнтра футбола» з Д2.
У рэжымнага «бізнэсмэна» Аляксандра Зайцава, які валодае праектам, і старшыні АБФФ Мікалая Шарснёва здарыўся сур'ёзны канфлікт. Зайцаў паставіў Шарснёва перад фактам, што здымае каманду «Цэнтр футбола» з чэмпіянату Д2 і закрывае праект. Падставай для вырашэння сталі рознагалоссі з-за каманды АБФФ U-17.
У новым сезоне ў Д2 плануюць заявіць каманду АБФФ U-17. З такой ідэяй выступіла федэрацыя напрыканцы мінулага года.
Па задумцы АБФФ, у камандзе павінны быць сабраны наймацнейшыя гульцы з футбольных акадэмій і школ Беларусі, каб найгравацца для зборнай.
Зайцаў быў пастаўлены перад фактам: «на карысць развіцця дзіцячага-юнацкага футбола Беларусі» ён павінен на бязвыплатнай аснове перадаваць камандзе АБФФ U-17 гульцоў вызначанага па ўзросце.
