Джанлуіджы Буфон: «Раналду заўсёды забіваў мне, ён дамагаўся мэты любой цаной. Месі таксама ўнікальны, ён рабіў неверагодныя рэчы»
Былы галкіпер «Ювентуса» і зборнай Італіі Джанлуіджы Буфон распавёў, супраць якога форварда яму было гуляць складаней за ўсё.
«Ты рыхтуешся пэўным чынам, у залежнасці ад таго, з кім будзеш гуляць. У першыя гады маёй кар'еры, я памятаю, Крысціян В'еры часта забіваў мне, таму што валодаў неверагоднай фізічнай сілай, якая ставіла ў тупік не толькі мяне, але і абаронцаў.
Сярод сучасных гульцоў назаву Крышцiяну Раналду – ён заўсёды забіваў мне. Неверагодна. Я павінен сказаць, што злосці, з якой ён здзяйсняў пэўныя рухі ў матчах, я больш ні ў каго не бачыў. У яго была прыкметная гэтая энергія, якая вынікае з рашучасці дабіцца мэты любой цаной.
Месі таксама ўнікальны, ён рабіў неверагодныя рэчы. Мне пашчасціла гуляць з такімі вялікімі чэмпіёнамі, як Зідан. Я выключаю італьянцаў, таму што згадаў бы занадта многіх. Раналдыньё, Раналда – феномен – я гуляў супраць унікальных чэмпіёнаў», – сказаў Буфон.
