Віталь Кутузаў: «Група Лігі Нацый для зборнай Беларусі цяжкая, але апошняе месца дакладна не зоймем»
Экс-гулец зборнай Беларусі Віталь Кутузаў ацаніў шанцы каманды ў надыходзячай Лізе Нацый.
– Цяпер на парадку дня ў нацыянальнай каманды Ліга Нацый, дзе ў суперніках старыя знаёмыя з Люксембурга, некалі грозныя балгары і прадстаўнікі Злучанага Каралеўства. Жэрабя цікавы, але няпросты?
– Магло быць і лепш. Склад нашай групы ў адборы на Еўра – 2024 быў падобны да фантастыкі. І вынікі пацвердзілі: нягледзячы на няўдалы старт, на фінішы мы ўсё роўна склалі ўсім канкурэнцыю. Калі б гэта адбылося раней, у нас былі б вельмі сур'ёзныя шанцы. Швейцарыя буксавала, у Ізраіля былі праблемы іншага толку. Чапляцца можна было значна больш сурʼёзна.
Цяпер у нас чысты ліст. Так, ёсць паўночнаірландцы, якія не даваліся пры Крывушэнку. Але мы нядрэнна выглядалі, стараліся з імі. Значыць, гуляць можна. Ужо пройдзе эфект, што гэта новы трэнер, іспанец. Хлопцы выдыхнулі, адаптаваліся да патрабаванняў Алоса.
Група для нас цяжкая, з улікам усіх праблем беларускага футбола. Але гледзячы на пазітыўныя ветру, думаю, канкурэнцыю атрымаецца навязаць. Апошняе месца мы дакладна не зоймем. Выйграць будзе складана. Але не выглядаць хлопчыкамі для біцця і выбудаваць той футбол, які будзе ў наступнай кваліфікацыі – вялікая дапамога, – сказаў Кутузаў.