Уладальнік «Мілана» пракаментаваў чуткі пра продаж клуба: «Не збіраюся сыходзіць, я яшчэ доўга тут буду»
Уладальнік «Мілана» Джэры Кардынале абверг чуткі пра магчымы продаж клуба.
«Хачу катэгарычна заявіць — гэта абсалютная няпраўда. Я тут надоўга. У мяне ёсць праца, якую я мушу выканаць.
Я хачу вярнуць клуб на вяршыню Серыі А і Еўропы, і я не спынюся перад дасягненнем гэтых мэт. Калі мы іх дасягнем — я захачу дасягнуць іх яшчэ раз.
Піолі? Тое, што я незадаволены на пэўным этапе, не абавязкова азначае звальненне трэнера. Я лічу, што Стэфана робіць добрую працу ў цяжкай сітуацыі, з вельмі абноўленай камандай, і я не паддаюся спакусе звольніць кагосьці толькі для таго, каб нешта змяніць.
Чэмпіянат яшчэ доўгі, усё можа адбыцца, пабачым. Нам трэба шмат што палепшыць, напрыклад, сітуацыю з траўмамі. Усім, пачынаючы з мяне, трэба працаваць лепей.
Але я не збіраюся сыходзіць, я яшчэ доўга тут буду. Ніхто не хоча перамагаць больш за мяне», — сказаў Кардынале.
Нагадаем, амерыканскі бізнэсмэн набыў мажарытарную частку акцый міланцаў у чэрвені 2022-га.