Гулец зборнай Беларусі U-17 Пулькач пасля 1:0 над палякамі: «Мы біліся за гонар краіны, нашых родных і блізкіх»

Нападаючы зборнай Беларусі U-17 Уладзіслаў Пулькач падзяліўся меркаваннем аб матчы з палякамі (1:0).

– Мы былі цалкам сфакусаваныя на гульні, усе думкі – толькі пра перамогу. Кожны з нас гарэў жаданнем выйграць гэты матч і дабіцца станоўчага выніку.

Трэнерскі штаб правёў, я лічу, вельмі карпатлівую працу: даў максімум інфармацыі пра каманду суперніка, намацаў іх слабыя бакі. І наша тактыка спрацавала.

Яшчэ хачу звярнуцца да нашых балельшчыкаў, бацькоў, сяброў, усіх неабыякавых людзей. Вашы словы падтрымкі сталі ветрам у нашыя спіны, асабліва ў тыя складаныя хвіліны, калі сілы ўжо пакідалі. Мы біліся за гонар краіны, нашых родных і блізкіх, – сказаў Пулькач.