Вінісіус Жуніяр: «Мы пераможам толькі тады, калі расісты будуць сыходзіць са стадыёнаў проста ў турму»
Нападаючы «Рэала» Вінісіус Жуніяр падтрымаў Маркаса Акунью, Кіке Флорэса і Шэйка Сара, якія ў гэтыя выходныя сталі ахвярамі расізму.
«Я нават не буду гуляць на гэтым тыдні, але толькі ў гэтую суботу ў Іспаніі адбылося тры агідныя выпадкі расізму.
Мае словы падтрымкі Маркасу Акунье, Кіке Флорэсу і Шэйку Сару. Няхай ваша адвага натхняе іншых. Расісты павінны быць выкрыты, гульні не могуць працягвацца, пакуль яны на трыбунах.
Мы пераможам толькі тады, калі расісты будуць сыходзіць са стадыёнаў проста ў турму, месца, якога яны заслугоўваюць», – напісаў Вінісіус.
Нагадаем, заўзятары «Хетафе» скандавалі «малпа» на адрас Акуньі і «цыган» на адрас Флорэса.
Брамнік «Рая Махадаонда» Сара быў выдалены ў матчы супраць «Сестаа», паколькі пачаў сутычку з заўзятарам, які абражаў яго з-за колеру скуры.
