Ягор Лукашэнка: «Хто мяне натхняе? Філасофскае пытанне. Хутчэй за ўсё – я сам»
Беларускі абаронца «Энергетыка-БДУ» Ягор Лукашэнка распавёў пра тое, ка прыйшоў у футбол, а таксама распавёў пра горад, у якім хацеў бы пабываць.
– Чаму пачаў захапляцца футболам?
– Калі быў дзіцем, пастаянна хадзіў на Татавы матчы, так і палюбіў гэты від спорту.
– Ці ёсць хтосьці і нешта, хто вельмі моцна паўплываў на цябе?
– Канкрэтнага, напэўна, няма. Але, думаю, што для любога чалавека гэта яго асяроддзе.
– У якой краіне ці горадзе ты б марыў пабываць? Чаму?
– Хацеў бы з'ездзіць у Хельсінкі. Я адчуваю ад гэтага горада і краіны атмасферу камфорту і свабоды.
– Як адпачываеш пасля цяжкай трэніроўкі?
– Добры сон маё адзінае аднаўленне.
– Кім бы ты хацеў стаць, акрамя футбаліста?
– Калі б не футбол, я думаю паступіў ва ўніверсітэт на факультэт міжнародных адносін. Думаю звязаў бы сваё жыццё з адвакатурай.
– Ці ёсць хобі ці захапленні?
– Акрамя футбола, больш нічым не захапляюся. На гэта не хапае часу.
– Хто цябе натхняе?
– Ну, нейкае філасофскае пытанне. Хутчэй за ўсё – я сам, – сказаў Лукашэнка.