Вадзім Пабудзей: «Пяньчук наткнуўся каленам на жалезную агароджу на вялізнай хуткасці – так крычаў, што… Спадзяюся, усё абыдзецца»
Паўабаронца «Тарпеда-БелАЗ» Вадзім Пабудзей пракаментаваў траўму Сямёна Пяньчука ў матчы з «Мінскам» (2:1) у 7-м туры ЧБ.
– Здаецца, вы павінны былі знаходзіцца побач з Дзянісам Лявіцкім і Сямёнам Пеньчуком, калі яны сутыкнуліся на вашым флангу – і апошні атрымаў сур'ёзную траўму?
– Так. Я ўсё гэта бачыў як на далоні. І трэба сказаць, што вось гэта агароджа паміж полем і трыбунамі – яе недастаткова для бяспекі гульцоў. Атрымалася, што траўма ўзялася проста ніадкуль. З боку Дзяніса сапраўды не было нейкага грубага прыёму супраць саперніка. Проста там вельмі блізка размешчаны гэты жалезны плот, і ў гульца «Мінска» не было дастаткова прасторы, каб на яго не натрапіць. А наткнуўся ён каленам на вялізнай хуткасці – і яшчэ і так крычаў, што... Спадзяюся, усё абыдзецца без сур'ёзных наступстваў. І яму жадаю толькі здароўя. Ён мужык і, думаю, справіцца з гэтым, – сказаў Пабудэй.
