Абаронца «Мінска» Крыўцоў пра матч з «Тарпеда-БелАЗ»: «Хто перамагае ў адзінаборствах – выйграе матч»
Абаронца «Мінска» Глеб Крыўцоў падвёў вынік матчу з «Тарпеда-БелАЗ» (1:2) у 7-м туры вышэйшай лігі.
– Страта канцэнтрацыі паўплывала, хутчэй за ўсё. Пачалі гуляць проста, ды і «Тарпеда» падціснула. Ім трэба было іграць. А мы не вытрымалі гэтага ціску. І ўсё.
– Сваёй гульнёй задаволены сёння?
– Першы тайм дзейнічалі нядрэнна. Можна сказаць, нават добра. Пасля страцілі канцэнтрацыю і гэта перакрэсліла ўвесь вынік да.
– Было адчуванне, што «Мінску» супрацьстаіць адзін з лідараў?
– Ды не, усе аднолькавыя. Проста хтосьці дзесьці ледзь-ледзь мацней і ўсё. У нашай лізе ўсё плюс-мінус роўныя.
– Пры падрыхтоўцы да сустрэчы рабілі акцэнт на тым, што ў Жодзіна – адна з найлепшых абарон чэмпіянату?
– Так, усё ж такі яны прапусцілі даволі мала. Адзін мяч накшталт... Але як ёсць ужо. Вось мы забілі ім другі.
– Шмат барацьбы сёння было. Жаданне пераважала або эмоцыі захліствалі?
– Від спорту ў нас такі. Хто перамагае ў адзінаборствах – выйграе матч. Мне здаецца, у першым тайме мы былі лепш у адзінаборствах і выглядалі добра. А ў другой палове пачалі падсядаць. Сталі заканчвацца сілы і замены ў суперніка ўзмацнілі гульню, – сказаў Крыўцоў.
