Футбаліст зборнай Украіны Маліноўскі абняўся з расіянінам Галавіным пасля матчу. За гэта яму дасталася ў сацсетках
Жонка паўстала на абарону, але стала яшчэ горш.
У суботу, 28 студзеня, украінскі паўабаронца «Марселя» Руслан Маліноўскі прыняў удзел у матчы 20-га тура чэмпіянату Францыі супраць «Манака» (1:1), за які выступае расійскі футбаліст Аляксандр Галавін.
Абодва гульцы з'явіліся ў стартавых складах сваіх каманд. Падчас трансляцыі нам не ўдалося разгледзець традыцыйны поціск рукі гульцоў перад стартам матчу менавіта ў той момант, калі яны праходзілі адзін міма іншага. Не было ў трансляцыі зафіксавана і пасляматчавае перасячэнне ўкраінца з расіянінам
Але пасля ў сеціве з'явілася фатаграфія, дзе выразна бачны момант пасляматчавых абдымкаў Маліноўскага з Галавіным.
Абдымкі выклікалі абурэнне ўкраінскіх заўзятараў, якія пайшлі выказваць сваё меркаванне з гэтай нагоды ў каментарах у сацсетках Руслана і яго жонкі Раксаны. Падобныя выказванні з'явіліся таксама пад апошняй публікацыяй Маліноўскага ў інстастаграме, прысвечанай матчу супраць «Манака»:
Маліноўскі адрэагаваў не адразу, але замест яго выказалася яго жонка Раксана. Яна адказала на крытыку ў бок Руслана ў каментарах да запісу ў сваім інстаграме.
«Па-першае, ён не абдымаўся, а перасекся з ім на полі пасля гульні, гулец «Манака» проста павітаўся, Руслан адказаў. Нічога такога не бачу. Да таго ж, пазіцыя іграка нам дакладна вядомая. Гэта яго асабістая справа, выказвацца публічна ці не, нам гэта абыякава.
А вось ваша рэакцыя нас дзівіць. Руслан з першага дня вайны праслаўляе Украіну ў Еўропе, адзін з нямногіх!!! Таксама мы збіраем вялізныя сродкі на дапамогу нашаму народу. Напрошваецца выснова, што вы - здраднікі.
Сапраўдныя балельшчыкі ніколі не будуць так гаварыць. Усе, хто будуць паклёпнічаць, будуць абражаць, будуць проста накіроўвацца ў чорны спіс. Я нікому не дазволю яго дыскрэдытаваць», – напісала Раксана.
Але спроба абараніць мужа выклікала яшчэ большы шквал крытыкі:
«Я не магу зразумець, пры чым тут я, пішыце ў клуб «Манака», чаму яны не выключылі гульца і ён працягвае выступаць за іх каманду», – напісала Маліноўская.
А потым адказаў і сам Руслан:
«Я хачу папрасіць прабачэння перад украінцамі за адказ на жэст гульца «Манака». Я разумею, што лепей бы я абышоў яго бокам, але так здарылася, што ён падышоў да мяне і павітаўся. Пасля гульні ўсе гульцы паціскаюць адзін аднаму руку, і я чыста машынальна гэта зрабіў.
Я разумею, як гэта важна для вас у дадзены момант, але тыя выявы і хейт за секундную віну ў параўнанні з тым, што мы робім для Украіны і ўкраінцаў з пачатку вайны, выклікаюць у мяне непрыемныя пачуцці і сумневы ў вашай шчырасці, калі вы пішаце мне словы падтрымкі.
У індывідуальным відзе спорту я б нават не выйшаў гуляць супраць расійскага спартоўца, паколькі я цалкам падтрымліваю адхіленне расіян ад міжнародных спаборніцтваў», – напісаў Маліноўскі ў інстаграме.
Напрыканцы нагадаем, што пасля пачатку поўнамаштабнага ўварвання РФ ва Украіну 24 лютага 2022 года Маліноўскі да 11 жніўня выступаў у складзе «Аталанты» разам з расійскім паўабаронцам Аляксеем Міранчуком.
