Фаны «Заглембе» любяць махаць кулакамі: варагуюць з 40 групоўкамі, адмыслова рыхтуюцца – Хацкевічу магло добра прыляцець
Рэгулярна забяспечваюць сабе прыгоды.
У сераду фанаты «Заглембе» Сасновец прыйшлі на трэнінг сваёй каманды, якую пакуль узначальвае Аляксандр Хацкевіч. Польскі партал Meczyki.pl паведаміў, што беларуса пабілі – і сайту нібыта пацвердзілі ў клубе факт збіцця. Агент трэнера Вадзім Шаблій заявіў, што ніхто яго падапечнага не чапаў, а былі толькі «пагрозы з боку незразумелых людзей, хуліганаў». Пракаментаваў інцыдэнт і сам Хацкевіч. Паводле яго слоў, падчас трэнінгу зʼявілася група людзей, «якія хацелі агрэсіўна напасці на трэнерскі штаб і гульцоў», але футбалісты «прадэманстравалі адзінства».
«Я сам вырас на вуліцы і ведаю, як паводзіць сябе ў такіх сітуацыях, я ўмею ўхіляцца, умею абараняцца», – сказаў трэнер.
У інтэрвʼю «Трыбуне» спартыўны дырэктар «Заглембе» Міхаіл Залеўскі распавёў, што фізічнае ўздзеянне на Хацкевіча аказвалася.
Усё паказвае на тое, што супраца «Заглембе» і Хацкевіча наблізілася да канца. Пасля інфармацыі, што трэнер пакіне Сасновец яшчэ да наступнага тура, Шаблій распавёў пра жаданне самога беларуса расстацца з клубам, «таму што ў камандзе бардак».
Незадаволенасць сярод фанатаў «Заглембе» працай Хацкевіча спела ўжо даўно. Апошняй кропляй для фан-сектара стала свежая хатняя параза ад «Катавіцэ» 0:4. Справа ў тым, што гэта быў не проста матч. Сустрэчы клубаў называюць «Святой вайной», а іх заўзятары даўно варагуюць.
У панядзелак падчас другой тайма на стадыёне чуліся нецэнзурныя выкрыкі фанаў «Заглембе» на адрас сваёй каманды, а таксама гарэлі фаеры. Пасля фінальнага свістка футбалісты падышлі да фан-сектара і зноў атрымалі порцыю негатыву.
Па розных падліках колькасць актыўных фанатаў «Заглембе» вагаецца ад адной да трох тысяч чалавек. Фанацкі сектар умяшчае каля дзвюх тысяч. У бягучым сезоне ён стабільна запаўняецца мінімум напалову.
На выездзе матчы «Заглембе» звычайна адпраўляецца ад адной да некалькіх сотняў чалавек.
Фан-рух клуба Хацкевіча варагуе з чатырма дзясяткамі польскіх каманд. Таксама ў «Заглембе» ёсць ворагі за мяжой – асобныя фірмы ў Чэхіі, Славакіі і Нідэрландах. Неяк фаны з Сасноўца адабралі ў ультрас пражскай «Спарты» 11 сцягоў, што зʼяўляецца рэкордам руху па аднятай у апанентаў атрыбутыцы.
Некалькі разоў на год заўзятары «Заглембе» ладзяць бойкі з прыхільнікамі іншых клубаў. За апошняе дзесяцігоддзе самы масавы такі «махач» адбыўся ў 2022-м. Тады прыкладна 400 фанатаў «Заглембе» перамаглі прыкладна 150-200 чалавек ад «Катавіцэ». Сёлета пакуль вядома пра адну фанацкую бойку – у фармаце 15 на 15 з заўзятарамі «Гурнікам» з Забжэ (перамог Сасновец).
Фанаты з сектара выказвалі незадаволенасць гульнёй «Заглембе» і восенню 2023-га, яшчэ да прыходу Хацкевіча. У другім тайме хатняга матчу з «Гурнікам» абражалі сваю каманду, а затым спалілі банэр «Рыбніка» – дружалюбнага гасцям клуба (палатно было адабранае раней у выніку бойкі).
Каб быць канкурэнтаздольнымі на фоне іншых фан-рухаў, частка заўзятараў «Заглембе» пастаянна трэнуюцца. Выгляд «асновы» ўражвае.
Члены фан-руху ўдзельнічаюць у фанацкіх баявых турнірах, якія публічна не афішуюцца. Таксама невядома, у якіх менавіта спартыўных клубах займаюцца ўльтрас.
Фаны «Заглембе» гатовыя распавядаць толькі пра адкрытыя трэнінгі, куды запрашаюць прафесійных байцоў. Напрыклад, у студзені 2024-га да іх прыехаў Адрыян «Арэс» Бляшынскі, у якога 11 перамог у ММА. На майстар-клас прыйшло больш за сотню заўзятараў «Заглембе».
Інцыдэнт з Хацкевічам і фанатамі адбыўся на базе «Заглембе», якая лічыцца адной з найлепшых у Польшчы. Пасля аднаго з няўдалых матчаў трэнер казаў, што для яго футбалістаў створаныя найлепшыя ўмовы для падрыхтоўкі ў Д2, аднак нават гэта не дапамагае выйсці з піке. На базе размяшчаецца і клубная акадэмія – даволі буйная па мерках Паўднёвай Польшчы. У ёй займаюцца каля 550 маладых футбалістаў.
