Кіраўнік ФХР Траццяк: «Вельмі спадабалася выступленне Беларусі на Кубку Першага канала»
Прэзідэнт Федэрацыі хакея Расіі (ФХР) Уладзіслаў Траццяк падзяліўся сваімі ўражаннямі ад выступлення зборнай Беларусі на Кубку Першага канала.
– Хто з супернікаў спадабаўся вам больш: зборная Беларусі ці зборная Казахстана?
– Не хацеў бы параўноўваць, але адзначу, што абедзве каманды гулялі ў якасны хакей. Беларусь вельмі спадабалася, добрая, баявая, навучаная каманда. Дзейнічалі з вялікім жаданнем, імкнуліся гуляць актыўна, стваралі шмат вострых момантаў. Нашай камандзе прыйшлося аддаць усе сілы, каб вырваць перамогу ў канцоўцы.
Казахстан нядрэнна гуляе ў абароне, на контратаках, таксама дзейнічалі з вялікім жаданнем і самааддачай. Дзякуй абедзвюм камандам за тое, што прыехалі на Кубак Першага канала. Партнёрства з абедзвюма краінамі – вельмі важна для расійскага хакея, сумеснымі намаганнямі мы праводзім выдатныя турніры, узбагачаем адзін аднаго міжнароднай практыкай, – сказаў Траццяк.
Нагадаем, што зборная Беларусі на гэтым турніры абгуляла Казахстан (6:2), уступіла «Расіі 25» (3:5) і прайграла ў авертайме «Зоркам і ВХЛ» (4:5 АТ). Беларуская каманда завяршыла турнір на другім месцы з чатырох каманд.
