Кірыл Гатавец: «У «Дынама» прасілі: ведзяце перамовы – скажыце нам. Было дзіўна: вам патрэбен гулец ці каб іншым не дасталася?»

«Алег Явенка пераходзіў у «Трактар», і тады нам, памятаю, у дынамаўскай групе напісалі паведамленне, таму што «Дынама» чамусьці палічыла, што Алег неяк там непрыстойна паступіў. Але, як па мне, яму ніхто нічога не прапаноўваў – што ён, сам будзе тэлефанаваць, калі ў яго ёсць прапанова на руках? Я не разумеў, чаму «Дынама» так пакрыўдзілася на яго.

Напісалі ў групе паведамленне, што калі хтосьці там з кімсьці вядзе перамовы, то будзьце сумленнымі, вядзіце ў адкрытую, скажыце нам. Я таксама тады гэта чытаў, але мне было дзіўна. Я думаю, калі вы хочаце бачыць гульца, вы прапануйце [кантракт]. А калі вы хочаце яму прапанаваць кантракт толькі таму, што яго хто-небудзь хоча забраць, то неяк не складваецца. Ён вам патрэбны або проста каб іншым не дасталася, ні сабе ні людзям?» – распавёў Гатавец.