Вадзім Гутцайт: «Будзем пільна сачыць за выкананнем «умоў нейтральнасці» расійскіх і беларускіх атлетаў»
Прэзідэнт Нацыянальнага алімпійскага камітэта Украіны Вадзім Гутцайт пракаментаваў рашэнне Міжнароднага алімпійскага камітэта (МАК) пра допуск да АГ-2024 беларускіх і расійскіх спартсменаў у статусе індывідуальных нейтральных атлетаў.
«Рашэннем Выканкама Міжнароднага алімпійскага камітэта дазволена расійскім і беларускім атлетам спаборнічаць на Алімпійскіх гульнях 2024 года ў Парыжы. Індывідуальных «нейтральных» спартсменаў, якія пройдуць кваліфікацыю, да спаборніцтваў будуць дапускаць МАК і Міжнародныя федэрацыі алімпійскіх відаў спорту.
Літаральна ўчора прыняў удзел у сустрэчы Міжнароднага алімпійскага камітэта з Нацыянальнымі Алімпійскімі камітэтамі краін, дзе адзначыў нязменную пазіцыю Украіны адносна нядопуску расійскіх і беларускіх спартоўцаў да любых міжнародных спаборніцтваў.
Амаль год разам з краінамі-партнёрамі мы змагаліся на дыпламатычным фронце, каб гэтае рашэнне не было прынятае. Нягледзячы на ўсе прыкладзеныя намаганні, нягледзячы на шматлікія ахвяры сярод ваенных і грамадзянскага насельніцтва, разбурэнне інфраструктуры і акупаваныя тэрыторыі, наш голас не быў пачуты.
Нягледзячы на гэта, мы працягваем сваю працу, але барацьба будзе працягнутая.
Мы будзем уважліва сачыць за выкананнем «умоў нейтральнасці» расійскіх і беларускіх атлетаў, паведамляць МАК і Міжнародныя спартыўныя федэрацыі пра любыя парушэнні і злоўжыванні гэтым статусам.
Павінны быць моцнымі і гатовымі да любых выклікаў», – сказаў Гутцайт.
Алімпіяда-2024 пройдзе з 26 ліпеня па 11 жніўня.
