Сузаснаваальнік SOS BY Гнет – беларусам: «Сотні тысяч з вас прайшлі праз жах кратаў і адчаю. Што вы адчувалі, калі Свабода ззяла ў вашым акне?»
Беларускі рэжысёр і сузаснавальнік SOS BY Андрэй Гнёт з 30 кастрычніка знаходзіцца за кратамі ў Бялградзе.
24 красавіка яго сяброўка і прэс-сакратар Народнага антыкрызіснага ўпраўлення Юлія Гарачая ў сваім Instagram апублікавала ліст Гнёта, суправадзіўшы яго просьбай пісаць Андрэю пра гісторыі шчаслівага вызвалення.
«Даражэнькія маі беларусы! Атрымліваю ад вас лісты й паштоўкі, што не трымаў у руках мо гадоў дзесяць. Які нейкі цуд яны грэюць маю душу і сэрца! Тыя, хто быў за кратамі, як ніхто гэта зразумеюць. Кожнае вашае слова – кропля ў вялізнае мора надзеі на маю свабоду, якое шырыцца штодзень. Дзякуй, родныя!
Ведаю, што сотні тысяч з вас прайшлі праз кіпцюры АМАПА, жах кратаў і адчаю. Што вы адчувалі, калі кашмар скончыўся, і Свабода ззяла ў вашым акне? Як гэта, распавядзіце калі ласка?! Кожная гісторыя з хэппі-эндам – гэта мая надзея, якую я не магу згубіць. Але й не згублю. Не здаліся вы – не здамся і я! Жыве Беларусь ды Пахне Чабор», – напісаў Гнёт.
Нагадаем, што ў Гнёта ў зняволенні пагоршыўся стан здароўя, у прыватнасці, «раптоўна адмовіла нага». Пасля гэтага НАУ звярнулася ў МЗС еўрапейскіх краін з просьбай паспрыяць у аказанні медыцынскай дапамогі рэжысёру.
Калі вы хочаце падтрымаць Гнёта, пішыце на наступны адрас:
Andrey Gnyot,
11050 Serbia
Centralni zatvor
Bačvanska 14,
Beograd (Voždovac)