Іга Свёнтак: «Гэта было нялёгка перамагчы ў фінале Індыян-Уэлс, я рада, што змагла палепшыцца падчас турніру»

Першая ракетка свету Іга Свёнтак пракаментавала перамогу на турніры WTA 1000 у Індыян-Уэлсе, дзе ў фінальным паядынку перамагла прадстаўніцу Грэцыі Марыю Сакары – 6:4, 6:0.

«Я вельмі радая і ганаруся за сябе. Я думаю, што нават калі гэта выглядала, што гэта было ўсё пад кантролем ад пачатку і да канца – гэта было не так. Я вельмі радая, што змагла палепшыцца падчас турніру, і я выглядала сапраўды добра ў двух апошніх матчах.

Я адчувала сябе добра, але я ўвесь час была нібыта ўсхваляваная, калі праходзіла праз сетку турніру. Цяпер я адчуваю палягчэнне і шчасце ад адчування праведзенай працы.

Я цяжка працую, каб гуляць на гэтым узроўні. Вы не можаце кантраляваць вашыя думкі, таму заўсёды будуць з'яўляцца пытанні ў розуме. Іх не так лёгка кантраляваць, таму я стараюся не зацыклівацца на выніку.

У мяне не было адчування ўдалага жэрабя. У пачатку я гуляла са спартсменкамі, з якімі я ўжо змагалася сёлета, з Насковай, якой прайграла ў Аўстраліі. Насамрэч я вельмі нервавалася перад гульнёй з Каралін Вазняцкі. Я чамусьці адчувала, што мы не гулялі вельмі даўно і я сапраўды не ведала, як яе гульня адабʼецца на мне. Я проста маю вялікую павагу да яе. Гэта была тая гульня, дзе я павінна была прайсці праз стрэс, але потым я ўжо адчувала сябе больш разняволенай. Я магла гуляць у сваю гульню вальней.

Гэта было даволі варʼяцка, я вельмі верыла, што змагу адаптавацца да ўсіх выклікаў. Калі ты становішся першай ракеткай, табе трэба адаптавацца да гэтага, потым ты зможаш гуляць з гэтым камфортна і паказваць усё на корце.

Вядома, ты разумееш, што твая гульня лепшая, чым у іншых, але гэта не прычына, чаму ты будзеш перамагаць іншых. Ты адчуваеш, што ў цябе ёсць уменне і ўсё, каб прадэманстраваць сваю лепшую гульню. Маю на ўвазе, што я не чакаю, што буду дэманстраваць гэта ўвесь час, але я ведаю, што дзесьці там унутры гэта ёсць. Мне проста трэба прыкласці максімум намаганняў, каб атрымаць гэта», – сказала Свёнтак.