ФК Тарпеда Мінск - ФК «Крутагор'е

20.06. у 7-ым туры ", які прадстаўляе Дзяржынскі раён (Мінская вобласць). Матч скончыўся з лікам 0:3 на карысць нашых футбалістаў.

Сказаць аб тым, што Чорна-Белыя жадалі перамагчы, - гэтага будзе мала, улічваючы статыстыку сустрэч нашых каманд, калі Тарпеда з 4 гульняў перамагала толькі аднойчы і тое 10 год таму. У выніку футбольны клуб з Дзяржыншчыны, які змяніў назву ў гэтым сезоне, набыў статус прынцыповага суперніка.

Перад матчам футбалісты Тарпеда правялі сімвалічную акцыю, калі выйшлі на поле ў новай форме ды пасля таго, як абедзве каманды паціснулі рукі, Чорна-Белыя падышлі да фанацкага сектара і ўручылі сваім заўзятарам майкі мінулага сезону. У першай палове гульні аўтазаводцы мелі моманты, каб адкрыць лік, але бракавала рэалізацыі. Выхад адзін на адзін і брамнік супернікаў згуляў рукамі за межамі сваёй штрафной ды пабачыў у выніку перад сабой чырвоную картку. Другога брамніка ў "Крутагор'я" не было і месца галкіпера займае палявы гулец. Нягледзячы на тое, што 7 хв. сышло на змену нумара, суддзя дадае толькі 2 хвіліны. Другі тайм абяцаў быць ужо больш вясёлым. 

Спачатку Максім Шкураценка прарваўся ў штрафную супернікаў, ды галявой перадачай граматна скарыстаўся Глеб Захарэнь. Пазней ужо сам аўтар першага галявога пасу рэалізаваў востры момант пасля прастрэлу Аляксея Петрусевіча. Выніковую кропку паставіў Глеб Захарэнь, які перавесіў брамніка з метраў 25-ці і тым самым аформіў дубль у матчы. Былі яшчэ моманты, але перашкаджала перакладзіна альбо недакладнасць удараў. Нарэшце Чорна-Белым атрымалася перамагчы ў Дзяржынску.

Хацелася б адзначыць, што падчас гульні з'ехала машына хуткай дапамогі, але ў гэтай сітуацыі суддзі спаслаліся на нібыта Дзень медыка ды той факт, што адбылося гэта ў дадатковы час, таму такія рэчы можна прабачыць, не пазначаючы гэта ў пратаколе, бо ўсё адно ж лік быў 0:3.

Віншуем усіх Чорна-Белых з доўгачаканай перамогай!

7 Тур. ФК КРУТАГОР'Е - ФК ТАРПЕДА МІНСК 0:3

20.06.2015 / г.Дзяржынск. Гарадскі стадыён.

Суддзя: Уладзімір Жолудзеў

ТАРПЕДА МІНСК: А.Нікіцін, А.Міхеенка, В.Тагіль, М.Маз, М.Каленік, А.Іваноў, Р.Дурко, А.Петрусевіч, Б.Тапчыеў, Г.Захарэнь, М.Шкураценка

Запасныя: В.Рэўцкі, І.Шэлег, С.Шастаковіч, А.Радчанка, А.Бажко, А.Янкоўскі, С.Палій

КРУТАГОР'Е: С.Коржык, Д.Стомаль, І.Высоцкі, В.Леўшукоў, А.Баркоўскі, М.Крывіцкі, В.Вярковіч, У.Пугачоў, Д.Міхайлаў, М.Градавец, Д.Даўбейка

Запасныя: С.Гарэлаў, У.Мядзведскі, А.Маргун, А.Скварчэўскі, В.Кліміхін, А.Пічкуроў, І.Бобрык

Галы: 54' Глеб Захарэнь, 64' Максім Шкураценка, 83' Глеб Захарэнь