Былому ўладальніку мiнскага «Дынама» Чыжу выставілі абвінавачанне ў махлярстве, па якiм пагражае ад трох да дзесяці гадоў пазбаўлення волі («Наша Ніва»)

Як стала вядома «Нашай Ніве» са сваіх крыніц, беларускаму бізнэсмену, былому ўладальніку мiнскага «Дынама» Юрыю Чыжу выстаўлена абвінавачванне па ч. 4 арт. 209 Крымінальнага кодэкса. Гэта махлярства, здзейсненае групай асоб або ў асабліва буйным памеры. Караецца пазбаўленнем волі на тэрмін ад трох да дзесяці гадоў са штрафам. 

– Чыж па абавязальніцтвах нібыта не плаціў, хаця асобныя яшчэ «жывыя» яго бізнэсы прыносілі грошы, – адзначае крыніца «Нашай Нівы».

Частка бізнэс-супольнасці паведала «Нашай Ніве» новую апалу Чыжа тым, што ўлады лічаць, што ен вывеў з Беларусі і схаваў за мяжой амаль мільярд даляраў. Іншая частка сумняваецца, што ў Чыжа могуць быць такія грошы, бо нягледзячы на тое, што ў свой час ен распараджаўся мільярдамі, значная частка гэтага была ў выглядзе актываў, якімі цяпер кіруюць іншыя бізнэсоўцы. 

Нядаўна стала вядома, што Чыж правеў узаемазалік старых даўгоў са сваім колішнім менеджарам Мікалаем Чукісавым, які атрымаў права спагнання доўгу з Чыжа ад Уладзіміра Япрынцава.

Нагадаем, што Юрыя Чыжа затрымалі вечарам 15 сакавіка у мінулым годзде пасля таго, як ен вярнуўся з Масквы. Амаль 10 месяцаў ен знаходзіцца ў СІЗА. Акрамя Чыжа таксама затрымалі кіраўнікоў некалькіх кампаній, якія засталіся ў бізнэсмена пасля раследванняў. 


 
 
 

Источник: Наша Ніва
Популярные комментарии
canonir2010
0
А были и арбузы....
Написать комментарий
Реклама 18+