Адбыўся працоўны візіт БФСС ва Украіну

Згодна з паведамленнем прэс-службы Беларускага фонду спартыўнай салідарнасці, адбыўся працоўны візіт дэлегацыі БФСС ва Украіну.

У рамках візіту прайшлі сустрэчы і перамовы з кіраўніцтвам Міністэрства моладзі і спорту Украіны, кіраўніцтвам Паралімпійскага камітэта, Усеўкраінскай федэрацыі каратэ, Дэпартамента маладзёжнай палітыкі і спорту Кіеўскай гарадской рады.

Дасягнуты дамоўленасці аб паглыбленні гуманітарнага супрацоўніцтва і каардынацыі дзеянняў на міжнароднай арэне ў галіне санкцыйнай палітыкі ў адносінах да спартсменаў з Беларусі і Расіі. Падчас сустрэч асабліва адзначалася практыка Польшчы, дзе з удзелам спецыялістаў БФСС былі прыняты дакладныя рэкамендацыі па допуску спартсменаў з краін-агрэсараў. БФСС накіраваў свае прапановы па крытэрыях допуску спартыўнаму кіраўніцтву Украіны.

Асобна абмяркоўвалася пытанне інклюзіўнага аказання дапамогі дзецям, якія пацярпелі ад канфлікту, і выкарыстання магчымасцей спорту па інтэграцыі дзяцей у грамадстве краін вымушанай эміграцыі. Таксама падчас візіту была дасягнута дамоўленасць аб рэалізацыі амбіцыйнага сумеснага праекта ў сферы аказання матэрыяльнай дапамогі ЗСУ.