Tribuna/Авто/мото/Блоги/Гоначная псіхапатыя НЕ ВАЙНЕ!/Калі срэбра вартае золата. На этапе серыі GT World Challenge Europe бліснулі не толькі прафесіяналы

Калі срэбра вартае золата. На этапе серыі GT World Challenge Europe бліснулі не толькі прафесіяналы

Другі этап сезону і першы ў фармаце Sprint серыі GT World Challenge Europe выявіў, што перамагаць здольныя не толькі дзейсныя чэмпіёны Шарль Віртс і Дрыс Вантор з каманды WRT і нават не толькі прафесійныя гоншчыкі катэгорыі Pro Cup.

Калі срэбра вартае золата. На этапе серыі GT World Challenge Europe бліснулі не толькі прафесіяналы

Другі этап сезону і першы ў фармаце Sprint серыі GT World Challenge Europe выявіў, што перамагаць здольныя не толькі дзейсныя чэмпіёны Шарль Віртс і Дрыс Вантор з каманды WRT і нават не толькі прафесійныя гоншчыкі катэгорыі Pro Cup.

Як было зразумела яшчэ два месяцы таму, і як робіцца ўсё болей відавочным з кожным днём, дакладна не здольная перамагаць другая армія ў свеце. Украінцы жартуюць, што яна не магутная, а проста вялікая (па колькасці, а не ў тым сэнсе, што нечага вартая). На вялікі жаль, забіваць, гвалціць і рабаваць у яе пакуль што атрымліваецца.

Больш за два месяцы Украіна пакутуе ад фашысцкай навалы і мужна і гераічна змагаецца з ёй. І абавязкова вызваліць усе часова захопленыя тэрыторыі і атрымае ваенную перамогу. Маральную ж яна ўжо атрымала, усяму свету паказаўшы свой моцны і нязломны дух. Прычым гаворка не толькі пра прафесійных вайскоўцаў, а пра ўвесь народ.

Украінцы перамогуць і абароняць сваю зямлю і сваю волю. Чым магчыма, ім будуць дапамагаць і беларусы. Мы шануем нашых сяброў і суседзяў і прагнем добрых адносін з імі. Нам сорамна, што мясцовы калгасны дыктатар стаў змоўшчыкам расійскага, і пусціў ворага на нашу зямлю, з якой ён напаў на Украіну. Але мы не саўдзельнікі злачынства, і некаторыя з нас абараняюць украінцаў са зброяй у руках, змагаючыся і за нашу свабоду. Слава Україні! Героям Слава! Верым! Можам! Пераможам! Жыве Беларусь!

Натуральна, расійская ваенная агрэсія супраць Украіны паўплывала на адносіны да расіян ва ўсім свеце і ва ўсіх сферах. У прыватнасці, многім з іх прыйшлося сысці з сусветных аўтагонак. Тыя нямногія, што засталіся, выступаюць цяпер пад нейтральнымі сцягамі. Як, напрыклад, Цімур Багуслаўскі, які працягвае выступаць у серыі GT World Challenge Europe за каманду Akkodis ASP у адным экіпажы на Mercedes-AMG GT3 пад нумарам 89 з італьянцам Рафаэле Марчэла.

Застаецца спадзявацца, што Цімур – чалавек сумленны і называць рэчы сваімі імёнамі не баіцца. Тады за яго можна нават шчыра парадавацца, бо ён з Марчэла перамог у другой гонцы этапу ў брытанскім Брэндс-Хэтчы. А вось у першай адбылася сапраўдная сенсацыя – у ёй даволі нечакана перамаглі Уліс дэ Паў і П’ер Александр Жан з пяцьдзесят трэцяга экіпажа каманды AF Corse.

Бельгіец і француз і ёсць той самы срэбраны экіпаж, які здзівіў усіх яшчэ ў кваліфікацыі, заваяваўшы поўл у першым заездзе (абодва праходзілі ў нядзелю, дарэчы). Ну і ў самой гонцы абодва выдатна справіліся з задачай – увесь час кантралявалі на сваёй Ferrari 488 GT3 адрыў ад супернікаў і фінішавалі першымі. Другое месца занялі Дрыс Вантор і Шарль Віртс, якія перамаглі ў Імале разам з Кэвінам ван дэр Ліндэ. Ну а замкнулі першую тройку Марчэла з Багуслаўскім, якія свой адказ нарыхтоўвалі для другога заезду.

Першы ж запомніўся яшчэ і буйной аварыяй на самым старце. Перад першым паваротам адбыўся кантакт паміж партнёрамі Віртса з Ванторам і Багуслаўскага з Марчэла. Паляк Ігар Валілка з восемдзесят шостага экіпажа Akkodis ASP, у якім таксама выступае румын Петру Разван Умбрарэску, сутыкнуўся з трыццаць трэцяй Audi R8 LMS Evo II GT3 Жана-Бапціста Сіменаўэра (ён у той момант і знаходзіўся за стырном) і Крыстафера Міса.

Прычым перапала і трыццатаму экіпажу WRT Бенжаміна Гётэ і Томаса Нойбаўэра (машынай у той момант кіраваў першы з іх). У выніку абодва сястрынскія экіпажы апынуліся ў гравіі і сышлі з дыстанцыі, а Валілка гонку працягнуў, але пазней яго экіпаж атрымаў 10-секундны штраф Stop&Go, у выніку чаго фінішаваў толькі дваццатым.

Ну а ў другой гонцы ад самага пачатку саліраваў ужо экіпаж Марчэла і Багуслаўскага, якія ў сваю чаргу стартавалі з поўлу. Яны ўжо выступаюць якраз у заліку Pro, таму прадэманстравалі майстар-клас, рэабілітаваўшыся пасля сходу ў тым жа Брэндс-Хэтчы на апошнім кругу ў мінулым годзе, калі яны страцілі перамогу. Калі дэ Паў з Жанам у першай гонцы перамаглі з перавагай перад Віртсам і Ванторам у 1,290 секунды, то італьянец з расіянінам усё таму ж бельгійскаму дуэту, які ізноў фінішаваў другім, «прывезлі» ужо болей за шэсць з паловай секунд. Трэцяе месца занялі іх калегі па камандзе Жуль Гунон і Джым Пла з восемдзесят восьмага экіпажа.

Зразумела, нельга не звярнуць увагу на выступленне сорак шостага экіпажа WRT, у якім, як вынікае з нумара, разам з Фрэдэрыкам Вервішам выступае легендарны Доктар – Валянціна Росі. Шматразовы чэмпіён MotoGP схібіў на піт-стопе ў Імале, праз што яго з тым жа Вервішам і Ніка Мюлерам экіпаж заняў тады толькі сямнаццатае месца. Але ў Вялікабрытаніі Вале памылак ужо не дапускаў. І калі першую гонку яны з Вервішам скончылі не тое, каб выдатна – трынаццатымі, то ў другой сталі ўжо восьмымі, адкрыўшы ачковы рахунак. У асабістым заліку GT World Challenge Europe яны цяпер дваццатыя з двума ачкамі.

Лідзіруюць жа Вантор і Віртс, у якіх 50 балаў, што толькі на пяць болей, чым у Марчэла, які аднаасобна займае другую пазіцыю. Гэтак жа ў адзіноце на трэцім радку Гунон, у якога 35 ачкоў. WRT узначальваюць камандны залік, маючы 52 ачкі. Akkodis ASP з 45 баламі другія, а замыкае першую тройку калектыў Tresor by Car Collection, у якога 27,5 ачка.

Наступны этап серыі GT World Challenge Europe пройдзе на трасе Маньі-Кур у Францыі 13-15 мая ізноў жа ў фармаце Sprint.

Другие посты блога

Все посты