Талакой да перамогі: мільён народных спонсараў для гандбольнага клуба «Віцязь»
Калі мы разам, у нас ўсё атрымаецца!
Сталічны "Віцязь" - клуб з цікавай і самабытнай гісторыяй. Створаны простымі аматарамі гандбола ў 2012 годзе клуб паспеў перажыць узлёт, падзенне, смерць і сапраўдную рэінкарнацыю. Перыяд росквіту каманды ў 2012-2014 гадах змяніў заняпад і так званы "страчаны сезон" - вылет каманды з чэмпіяната Беларусі ў 2015 годзе і прыбыццё ў нявызначанасці. Год роздумаў і аналізу прайшоў недарэмна - з 2016 года "Віцязь" трыумфальна вяртаецца ў другі дывізіён чэмпіяната, а ў сезоне 2017 года ўжо стартуе ў вышэйша лізе, дзе дае бой прафісійным супернікам. Увесь гэты час у клубе гулялі і працавалі выключна энтузіясты, якія былі аб'яднаны толькі адным - сваёй любоў'ю да беларускага гандбола.
Сення гандбольны клуб "Віцязь" - гэта ўпэўненая паўпрафісійная каманда з добра пастаўленым і рэгулярным трэніровачным працэсам. Каманду ўзначальвае адзін з самых таленавітых беларускіх гульцоў свайго часу - майстар спорту, срэбраны прызёр маладзёвага чэмпіятана Еўропы, былы гулец зборнай Беларусі Андрэй Барвіюк.
Так, вядома, што мы яшчэ далёка не лідары чэмпіяната і пакуль не ведаем смак перамогі. Але мы добра аналізуем сваю стратэгію, вельмі шмат працуем і ўпэўнены, што здольныя зрабіць сур'езны крок наперад. У нас ёсць выдатныя гульцы, самааданыя валанцёры і вялікая ідэя.
Але нават такое наша сціплае выступленне ў вышэйшай лізе было б немагчыма без падтрымкі партнёраў ( у тым ліку Беларускай федэрацыі гандбола), спонсараў і простых людзей. Наша моц - у вялікай супольнасці, дзе кожны па дробязі робіць свой унёсак у развіццё цікавага і незвычайнага праекта.
У чым складаецца адметнасць "Віцязя" у параўнанні з іншымі клубамі:
- Мы сапраўды натхняемся Беларушчынай. Для нас гэта не пагоня за кан'юнктурай , а значны пункт нашай каманднай ідэнтычнасці. Усе нашыя інфармацыйная рэсурсы мы вядзем выключна на роднай мове, без перакладу і дубляжу на іншыя мовы.
- Усе адміністратары і гульцы нашай команды працуюць альбо вучацца. І мы гэтым ганарымся, а не робім з гэтага трагедыю. Сэнс не ў тым, колькі ты трэніруешся, а як ты трэніруешся. Вучоба і праца ніколі не будуць перашкодай, калі ёсць сапраўднае жаданне дасягнуць сваёй мэты.
- У нашым клубе працуюць выключна валанцёры - дырэктар, адміністратар, прэс-аташэ, мэнаджар па PR, трэнеры. Але ўсе робяць сваю справу вельмі адказна і якасна. Прафесіяналізм - гэта, у першую чаргу, стаўленне, а не наяўнасць грашовага кантракта.
- Наш клуб працуе цалкам у межах сваіх фінансавых магчымасцяў. Мы не дазваляем сабе выдаткі, альбо дзеянні, за якія не можам разлічыцца.
Клубу нават быў прысвечаны асобны сюжэт у праграме "Арэна" на тэлеканале Беларусь 1.
Віцязь у сезоне 2018/2019: выдаткі
Як, напэўна, усе здагадаліся наш клуб не збіраецца спыняцца і будзе крочыць далей у сваім развіцці. У бліжэйшым сезоне, які распачнецца ў верасні 2018 года, мы таксама плануем штурмаваць вышэйшую лігу. Для паспяховага і якаснага выступлення мы абапіраемся на патдтрымку нашых партнёраў, якія закрываюць добрую частку нашага невялікага бюджэту. Але пакуль мы не маем вызначанасці па вялікай колькасці выдаткаў, таму і звяртаемся да Талакі.
Сення мы маем патрэбу у наступных рэчах:
- Пітная вада для трэніровак і гульняў - бюджэт 2000р.
- Экіпіроўка: форма, манішкі, байкі - бюджэт 5000р
- Спартовы інвентар: мячы, медыцынболы, паўсферы - бюджэт 3000р
Усе гэтыя рэчы дапамогуць нам удасканаліць наш трэніровачны і гульнявы працэс, а значыць паўплываюць на спартыўны вынік.
Якім чынам можна падтрымаць клуб?
Наш клуб заўжды адкрыты да супрацы з людзьмі і арганізацыямі. Менавіта наўпростае спонсарства дапамагло зрабіць клубу важны штуршок у развіціі і перайсці на больш прафісійный узровень.
Адмыслова для юрыдычных асобаў і індывідуальных прадпрымальнікаў мы маем асобныя рекламныя і маркетынгавыя прапановы:
Але ж адным з самых важных складнікаў нашага існавання з'яўляюцца простыя заўзятары і людзі, якім неабыякава наша справа.
Больш падрабязна пра гандбольны клуб "Віцязь" па спасылках: https://hcviciaz.com/https://vk.com/hcviciazhttps://www.facebook.com/vityazhandball/https://twitter.com/hcviciazhttps://www.instagram.com/hcviciaz/http://t.me/hcviciaz