Яна Максімава: «Адчуваю, што знаходжуся ў добрай форме. Але па-ранейшаму няма магчымасці выступаць»

– Жыву з сям’ёй у Леверкузене. Па-ранейшаму шмат трэніруюся. Мне дапамагае трэнер па скачках у вышыню з Германіі, плюс рыхтуюся сама: у трэнажорнай зале, дома і на вуліцы. Ды і трэніровачныя планы пішу самастойна. Адчуваю, што знаходжуся ў добрай форме. Але па-ранейшаму няма магчымасці выступаць.

– Чаму?

– Пачалася вайна, і з тых часоў мала надзей, што свабодных спартсменаў з Беларусі, якія пацярпелі ад рэпрэсій, дапусцяць спаборнічаць пад нейтральным сцягам. Пісалі лісты: у МАК, IAAF (Міжнародная асацыяцыя лёгкаатлетычных федэрацый). Ніякага адказу – такое ўражанне, што функцыянераў не хвалююць нашы клопаты. Або яны проста не ведаюць што рабіць. Гэта хвалюе. У тых жа скачках у вышыню была гатова паказаць добры вынік.

– Колькі яшчэ гатовы чакаць?

– Магчыма, гэтым летам памяняецца сітуацыя ў свеце. Хацелася б выступіць на сваёй трэцяй Алімпіядзе… У любым выпадку вельмі люблю спорт, трэніроўкі. Кайфую нават ад пачуцця стомленасці. Але ў жыцці ёсць і іншыя рэчы,

– Калі б вам прапанавалі выступаць за гіпатэтычную зборную бежанцаў, што б сказалі?

– Пагадзілася б. Уцекачы, нейтральны статут – усё роўна. Спаборнічаць за сябе – ідэальны варыянт. Але толькі не за зборную Беларусі пад чырвона-зялёным сцягам.

– А выходзіць бок аб бок з беларусамі пад нейтральным сцягам? МАК пачаў дыскусію аб падобным варыянце.

– Спадзяюся, да такога не дойдзе. Я б не дапускала спартсменаў, хто з пачатку вайны выступаў у Беларусі. Рабіць выгляд, што нічога не адбываецца, калі ідзе вайна… Гэта зусім не пра спорт. Але ў МАК, здаецца, лічаць, што абыякавыя атлеты ні пры чым, – сказала Максімава, – сказала Максімава.

Нагадаем, што многія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.

25 студзеня МАК дапусціў магчымасць зняцця адхілення на строгіх умовах, сярод якіх удзел у спаборніцтвах толькі ў нейтральным статусе і адсутнасць у біяграфіі «актыўнай падтрымкі» вайны ва Украіне.