Экс-«сілавік» Купрэйчык: «Трэнер РЦАП па лёгкай атлетыцы прывучаў дзяцей да петынга, потым зладзіў порнастудыю, ахвяр было больш за 100»
Экс-«сілавік» Мацвей Купрэйчык, які цяпер з'яўляецца прадстаўніком BELPOL, распавёў пра выпадкі педафіліі і сэксуальнага гвалту ў РЦАП па лёгкай атлетыцы.
«Ёсць прама вось гэтаму (педафілія ў беларускай лёгкай атлетыцы – Tribuna.com) прама жорсткае пацверджанне. Я, на жаль, забыўся прозвішча, гэтай справай займаўся не я, гэтай справай займаўся мой былы калега, які, на жаль, падтрымаў вусатага дыктатара. Але ўсё ж сваю працу ён рабіў якасна. Я забыўся як называецца цэнтр алімпійскага рэзерву, які на вуліцы Каліноўскага знаходзіцца ў Мінску (РЦАП па лёгкай атлетыцы – Tribuna.com). Там быў трэнер па лёгкай атлетыцы, які набіраў сабе групу дзяцей ад 7 гадоў, якія займаліся лёгкай атлетыкай – гэта бег, скачкі з Шастом, скачкі ў даўжыню, трохбор'ем і гэтак далей.
Гэты трэнер дзяцей з самага ранняга ўзросту прывучаў да такога паняцця як петынг – гэта, калі, можна сказаць, дакрананнямі пэўныя робяцца справы, я б так гэта назваў. Ён казаў, што калі я гэтага рабіць не буду, то ты будзеш горш выступаць. З узростам ён гэта ўсё перакладаў у такі момант, што ён проста ўступаў у палавы кантакт са сваімі падапечнымі, можна так сказаць, і казаў: «Калі я гэтага не буду рабіць, то ты будзеш яшчэ горш выступаць, ты не зможаш развівацца», і гэтак далей.
Такіх момантаў было шмат, а пасля ён гэта ўсё даводзіў да таго, што ён у склепе свайго дома проста зладзіў порнастудыю, дзе кожны такі акт ён здымаў на відэа і гэта ўсё захоўваў. Пры гэтым усім ні адна ахвяра не прыйшла і не распавяла пра гэта ўсім. Былі нават тыя людзі, якіх кожны беларус будзе ведаць, якія выступалі на супервысокім узроўні, і з імі адбываліся такія рэчы.
Распавёў гэтую ўсю гісторыю, што самае дзіўнае, муж адной з вельмі вядомых спартсменак, які прыйшоў проста ў слязах і кажа: «Я ўчора даведаўся гісторыю ад маёй жонкі пра тое, што з ёй адбывалася такое, і яна не адзіная ў гэтым усім».
Гэта значыць уявіце ахвяр было больш за сотню, ніводная не сказала", – распавёў Купрэйчык.
