Iгар Брышцель: «Спадзяюся, што на наступным чэмпіянаце зборная Беларусі згуляе лепей»

– Калі сапраўды, цяпер, мусіць, стан яшчэ горш. Нашы гульні глядзела шмат людзей і зараз яны задаюць шмат пытанняў аб тым, чаго не хапіла са зборнай Італіі. Можна сказаць, кожны дзень такія пытанні ўзнімаюцца.

А гэта бударажыць успаміны і крыху нават кранае. Я па-ранейшаму лічу, што мы мусілі гуляць у фінале. Можа, для ўсёй нашай краіны чацвёртае месца - гэта і поспех, але я асабіста ведаю, што кожны гулец у нас у зборнай ставіў планку вышэй. Таму параза ад італьянцаў была вельмі цяжкай для ўсіх. Нічога, спадзяюся, што на наступным чэмпіянаце выступім лепей.

– Добра, што жаданне паляпшаць вынік прысутнічае. Наступны чэмпіянат свету пройдзе ў 2025 годзе на Сейшэлах. Асабіста вам будзе ўжо каля 38 гадоў. Вы ўпэўненыя, што будзеце фізічна гатовы да яшчэ аднаго мундыяля?

– За гэты чэмпіянат назапасілася пэўная спартыўная злосць. Калі б мы зачапіліся хаця б за бронзавыя ўзнагароды, паражэнне ў паўфінале пераносілася б не так цяжка. Бронза была б вялікім крокам і вялікай перамогай для нас. А так застаецца нейкая недаказанасць.

Цешыць, што паміж двума чэмпіянатамі: якія прайшлі ў ААЭ і будучыняй - на Сейшэльскіх выспах не такі вялікі прамежак, з-за таго, што турнір у Дубаі быў перанесены. Наступны чэмпіянат свету адбудзецца ўжо праз 14 месяцаў. Усе шанцы ў нас ёсць, трэба толькі адабрацца на яго. Думаю, калектыў з большага захаваецца і мы сваё яшчэ возьмем, – сказаў Брышцель.