Дар'я Кудаева: «На турнірах у Расіі то мінус 30, то плюс 10-12 і дождж. Але мы не здаемся і працуем»

– Канец сезона адчуваецца вельмі моцна. Сіл засталося мала. Тым не менш гатова выкласціся поўнасцю ў астатніх гонках, паказаць вынік і са спакойнай душой пайсці ў водпуск.

– Планы на водпуск якія?

– Планую проста прыехаць дадому да родных, у родныя сцены. На тыдзень з'ехаць у вёску. Без сувязі. Проста пабыць на прыродзе, далей ад гэтай мітусні. На моры я планавала, але ў гэты водпуск наўрад ці атрымаецца. Хочацца максімальна даўжэй пабыць з роднымі.

– Прайшла заключная трэніроўка і відаць, што траса не ў ідэальным стане.

– На самай справе, яшчэ два дні таму тут было ідэальнае надвор'е. Невялікі мароз, свяціла сонца. Выдатны час быў для спаборніцтваў і трэніровак. Але, гэты сезон проста правярае нас на трываласць. Проста з крайнасці – у крайнасць. Тое мінус 30, то плюс 10-12 і дождж. Ну, нічога, мы не здаемся і працуем.

Траса цяжкая, тут вельмі складаны рэльеф. Плюс умовы надвор'я ўносяць свае карэктывы. Спадзяемся на добрую працу нашай сэрвіс-брыгады. Яны – вялікія малайцы. Мяркую, яны зробяць усё, як трэба. Зробяць лыжы, якія самі будуць каціць. Насамрэч, намаганняў давядзецца прыкладаць больш, чым у лёгкі мароз, але мы настройваемся на найлепшае, – сказала Кудаева.