Майк Тайсан: «Я казаў усім пра выдатны левы хук Нгану, і меў рацыю. Чэмпіён упаў»

Былы чэмпіён свету Майк Тайсан пракаментаваў паражэнне былога чэмпіёна UFC Фрэнсіса Нгану (0-1, 0 КО) у паядынку з уладальнікам тытула WBC Тайсанам Ф’юры (34-0-1, 24 КО).

«Ганаруся Фрэнсісам Нгану, таму што ён слухаў усё, што я казаў. Я казаў усім пра выдатны левы хук, якім ён фактычна зламаў нагу свайму спарынг-партнёру, і я ведаў, што калі ён ударыць левым хукам кагосьці, то той упадзе. Я меў рацыю. Чэмпіён упаў.

Я шчаслівы. Вельмі ўдзячны за тое, што быў датычны да ягонай славы, ягонай перамогі. Упэўнены, што мы яшчэ ўбачым Містэра Фрэнсіса», – сказаў Тайсан у эфіры Hotboxin' with Mike Tyson.

Нагадаем, Майк дапамагаў Нгану рыхтавацца да бою.

Ф’юры пабываў у накдаўне, але атрымаў перамогу паасобным рашэннем суддзяў – 96-93 і 95-94 на яго карысць, адзін суддзя аддаў перамогу Нгану – 95-94.