Адвакаты Пагба будуць спрабаваць даказаць, што гулец неўсвядомлена прыняў забароненае рэчыва

Адвакаты паўабаронцы «Ювентуса» Поля Пагба будуць спрабаваць даказаць, што футбаліст неўсвядомлена прыняў забароненае рэчыва, паведамляе La Gazzetta dello Sport.

Калі ім гэта ўдасца, то француз зможа разлічваць на менш суровую дыскваліфікацыю, гэта значыць менш за 2 гады.

Нагадаем, гулец турынцаў у бліжэйшы час павінен здаць контртэст на допінг, які пацвердзіць або абвергне наяўнасць забароненых рэчываў у яго арганізме.

Першы тэст пасля матчу з «Удынезэ» выявіў неэндагенныя метабаліты тэстастэрону. Гэта азначае, што такі тэстастэрон выпрацоўваўся не арганізмам, а быў уведзены звонку.

У Пагба ўсё дрэнна: праваліў допінг-тэст, пагражае дыскваліфікацыя (да 4 гадоў), хутка суд супраць брата