Інфанціна пра сінюю картку: «Гэта тэма, якая для нас не існуе»
Прэзідэнт ФІФА Джані Інфанціна пракаментаваў чуткі пра з'яўленне ў футболе сіняй карткі.
«Гэта тэма, якая для нас не існуе. ФІФА цалкам супраць сініх картак.
Я, прэзідэнт ФІФА, не ведаў пра гэтую тэму, і я думаю, што ў нас ёсць права голасу ў IFAB. Ні ў якім разе.
Трэба быць сур'ёзнымі. Мы заўсёды адкрыты да ідэй і прапаноў, але таксама трэба абараняць сутнасць і традыцыі гэтай гульні», — сказаў Інфанціна.
Нагадаем, паводле задумы, сінюю картку будуць даваць за наўмысны зрыў атакі і нязгоду з арбітрам. Футбаліст будзе пакідаць поле на 10 хвілін. Калі атрымае дзве сінія ці жоўтую і сінюю – яго выдаляць чырвонай карткай.
Пазней, пасля з'яўлення навіны пра намеры IFAB, ФІФА выступіла з афіцыйнай заявай, у якой адзначыла, што «паведамленні пра так званую «сінюю картку» на элітным узроўні футбола памылковыя і заўчасныя».
