Ірына Жук: «Абстрагавалася ад навін пра допуск на АГ. Ад мяне гэта не залежыць, навошта напружвацца?»
Беларуская лёгкаатлетка Ірына Жук расказала пра сваё стаўленне да навін з нагоды адхілення беларускіх спартсменаў ад міжнародных спаборніцтваў.
На чэмпіянаце Беларусі яна паказала рэзультат 4,75 м.
– У атлетыцы часта параўноўваюць свой вынік з вынікамі, якія паказаны на сусветных стартах, ты сочыш за гэтым?
– Я проста перыядычна зазіраю ў рэйтынг паглядзець на сусветны ўзровень, гляджу, колькі мне яшчэ засталося набраць, дзе прыкладна знаходжуся, на якім узроўні.
– 4,75 м – гэта алімпійскі нарматыў. Ты думаеш пра ўдзел на Алімпіядзе?
– Не думаю пра Алімпіяду і проста іду наперад, за вынікам, за тэхнічнымі прыгожымі скачкамі. Ведаеце, ёсць такі выдатны выраз: «рабі, што павінен, і будзь што будзе». Я скачу і атрымліваю ад гэтага вялікае задавальненне, а далей ужо не я вырашаю.
– А ёсць нейкія наогул навіны па допуску?
– Абстрагавалася ад гэтага абсалютна. Калі ты робіш сабе горш, да чаго гэта? Ад мяне гэта не залежыць, навошта напружвацца? Я раблю толькі тое, што залежыць ад мяне, – распавяла Жук.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.
