Аляксандр Івулін: «У беларускім спорце ўсе вялікія дасягненні звязаны менавіта з жанчынамі»
Стваральнік YouTube-праекта «ЧестнОК» Аляксандр Івулін падзяліўся меркаваннем пра галоўныя дасягненні беларускага спорту.
– Чаму ты не вядзеш свой блог па-беларуску?
– Калі са мной размаўляюць па-беларуску, я таксама спрабую размаўляць на беларускай мове. Але мне здаецца, што я вельмі марудна размаўляю. Адразу вельмі цяжка перайсці на гэтую гісторыю. Але ёсць у думках нейкія нават выпускі «ЧестнОКа» зрабіць на беларускай мове.
– Якое самае галоўнае дасягненне беларускага спорту пасля 1991 года?
– Бронза [жаночага] чэмпіянату Еўропы па баскетболе [2007 года] і першая Алімпіяда для гэтай каманды. Гэта было цудоўна. Жаночая каманда, якая аб’яднала вакол сябе…
– Ізноў жанчыны.
– Зноў жанчыны. Я пісаў у сваім Instagram, што лепшае, што здаралася з Беларуссю – гэта жанчыны. І менавіта ў беларускім спорце, насамрэч, усе вялікія дасягненні звязаны менавіта з жанчынамі, – сказаў Івулін.
