Кацярына Сныціна: «Яшчэ ў школе ў мяне былі закаханасці ў дзяўчынак. З прыняццем сябе ніколі не было праблем»
Беларуская баскетбалістка Кацярына Сныціна распавяла «Зеркалу» пра прыняццё сябе.
– Колькі вам было гадоў, калі зразумелі, што вас у сэксуальным плане прыцягваюць дзяўчыны? Ці спатрэбілася нейкі час на прыняцце?
– Усё неяк было само сабой зразумелым. Яшчэ ў школе ў мяне былі закаханасці і ў дзяўчынак, і ў хлопцаў. Як быццам не дзяліла людзей на тых, у каго маю права ўлюбляцца, а ў каго няма. Першую аднаполую пару сустрэла ў сваім першым прафесійным клубе ў Францыі («Кот д'опаль Кале», дзе 17-гадовая Сныціна гуляла ў 2002 годзе. – Tribuna.com). памятаю, дзяўчаты паклікалі мяне да сябе на абед. Калі рабілі невялікую экскурсію па кватэры, то паказалі спальню. І я спытала: «А дзе другі ложак?» Ха-ха-ха – да гэтага часу над сабой смяюся! Мне нічога не сталі тлумачыць. Проста ў той момант усё зразумела і прыняла гэта. І мы пайшлі абедаць... а з прыняццем сябе ў мяне ніколі не было праблем.
– Як бацькі адрэагавалі на камінг-аўт?
– Мая сямʼя заўсёды і ва ўсім мяне вельмі моцна падтрымлівае. Мама радавалася так, нібы я выйграла Алімпіяду! – сказала Сныціна.
