Іньеста правёў легендарную цырымонію развітання – апошні матч ён згуляў у Японіі
Так праваджаюць вялікіх.
Яшчэ ў траўні было вядома, што Андрэас Іньеста пакіне «Вісел Кобе» пасля пяці сезонаў. 1 ліпеня іспанец правёў апошні матч за японскую каманду – супраць «Кансадоле Сапара» (1:1).
Андрэса замянілі на 57-й хвіліне пад бурныя авацыі трыбун:
Здаецца, гэтым вечарам плакалі ўсе.
Ацаніце атмасферу:
Андрэс падзяліў гэты момант з найліжэйшымі.
Вядома, не абыйшлося без падкідвання.
«Вісел Кобе» выпусціў кранальную заяву на выхад іспанца:
«Мы разам змагаліся цягам пяці сезонаў пасля яго пераходу з «Барселоны». Мы былі зачараваныя футбалістам, які гуляў як чараўнік. Першы трафей, першыя міжнародныя матчы...
Ён адкрыў новую старонку ў гісторыі «Вісэл Кобе», якая вядзе да звання найлепшых у Азіі – менавіта на гэта мы павінны нацэльвацца. Яго гульня ніколі не будзе забытая.
Дзякуй, Андрэас, што правёў з намі пяць сезонаў».
Так развітваюцца з легендамі.
***
39-гадовы іспанец выступаў за «Вісэл Кобе» з 2018 года. Разам з камандай ён выйграў Кубак і Суперкубак Японіі. У актыве Іньесты 113 матчаў за каманду (26 галоў, 25 асістаў).
Фота: Getty Images, @visselkobe
