Трэнер Бельгіі Марцінес: «Мы будзем гатовыя да гульні супраць Харватыі»
Галоўны трэнер зборнай Бельгіі Раберта Марцінес пракаментаваў паражэнне ў матчы ЧС-2022 супраць Марока (0:2).
«Гэта дрэнны вынік. Першы гол Марока стаў вырашальным. Мы так абараняемся падчас стандартаў ужо 6 год. Мне давядзецца яшчэ раз глядзець відэа, але нічога дрэннага ў арганізацыі не было.
У першым тайме мы не скарысталіся магчымасцямі, якія ў нас былі. Пасля гала гульня кардынальна памянялася. У нас быў недастаткова добры кантроль мяча, каб стварыць суперніку праблемы. Мы не ўваходзілі ў небяспечныя зоны, каб зраўняць лік.
Цяпер павінны быць адзінымі. Я добра ведаю гэтую групу, мы будзем гатовы да гульні супраць Харватыі», – сказаў Марцінес.
Пасля двух тураў бельгійцы маюць у актыве 3 ачкі (столькі ж у мараканцаў), харваты – 4.
⚽️Чэмпіянат свету-2022 па-беларуску і без VPN! Пампуй дадатак Tribuna.com